Li bajarê Sydney yê Ewûstralyayê bi wesîleya salvegera Komkujiya Roboskê, cangoriyên komkujiyê hatin bibîranîn. Bîranîn ji aliyê Navenda Civaka Demeokratîk a Kurd (NCDK) ve hate lidarxistin û parlamenterê HDP’ê Ferhat Encu jî bi rêya Skype beşdarî bîranînê bû.

ENCU: KÛJER HATIN XELATKIRIN

Ferhat Encu wiha got; “Yên fermana vê komkujiyê dan niha serkêşê dewletê ne ji ber wê yên komkujî pêk anîn kes nayê darizandin. Îro jî ev zorî û komkujî didome. Di nava malbatan de kesek nema ku doz lê nehatiye vekirin. Li beramberî vê malbatên Roboskê liber xwe dan; li benda edalet û aştiyê ne.”

Encû bi domdarî got; “Di nava 8 salan de li Sûr, Nisêbin û Cizîrê bi sedan mirovên me hatin kuştin û ev hişmendî hate xelat kirin; di asta herî jor a dewletê de wezîfe girtin.”

TAŞTAN: TÎMA ERDOGAN EV KOMKUJÎ KIR

Hevserokê NCDK’Ê Îsmet Taştan jî got kujerê Roboskê hêza girêdayî Erdogan e û wiha domand; “Em gelê Kurd em ê dev ji vê bernedin. Bi pêkanîna yekîtiya netewî em dikarin bersiva komkujiyên wiha bidin.”