Li paytext Stockholm a Swêd û paytexta Danîmarka Kopenhag û bajarên Odensee û Horsens bi hezaran kesên daketin kolanan bi yek dengî dirûşma “Her cih Efrîn e, her cih berxwedan e” qîr kirin.
Bi hezaran kesên li ser banga Tevgera Jinên Kurd ên Elmanya daketin qadan peyama Efrîn ne bi tenê ye.
STOCKHOLM
Paytext Stockholm a Swêdê ji roja yekem a êrîşên li ser Efrînê ve li kolanan in, îro jî bi Kurdistaniyên êrîş şermezar kirin çalakiyeke girseyî lidar xistin.
Kurdistanî û dostên wan ên di saet 13:00’an de li Parka Hûmlegarden kom bûn pankartên “Efrîn ne bi tenê ye” û “Qetlîamên Tirkiye ya li Kurdistanê bidin rawestandin” vekirin û li gel postêrên Rêberê Gelê Kurd Abdullah Ocalan û alên PYD, YPG/YPJ û alên PKK’ê bilind kirin û dest bi meşê kirin.
Di tevahiya meşê de qetlîamên dewleta Tirk a li Efrînê hatin şermezartkirin û dirûşmên “Bijî Berxwedan Efrînê”, “Destê xwe yên bi xwîn ji Efrînê vekişin”, “Kujer Erdogan, di rû Pûtîn” û “YPG/YPJ gel e, gel li vir e” qîr kirin.
Li Qada Sergel mîtîngek hate lidarxistin û di mîtîngê de li ser navê Yekîtiya Suryanên Ewropa Metîn Rhawî, Seroka Konseya Aşiyê ya Swîsre Agneta Narberg her wiha dîsa li ser navê KNK, Meclîsa Jinên Kurd a Amara û NCKD a Swîsre axaftin hatin kirin.
LI SÊ NAVENDÊN DANÎMARKAYÊ ÇALAKÎ
Li Danîmarkayê li ser banga Tevgera Jinên Kurd ên Ewropa çalakî hatin lidarxistin.
KOMENHAG
Bi hezaran kes dibin rêveberîya Meclîsa Jinan a Sêvê de li paytexta Kopenhagê li hev kombûn. Bi diruşmên “Her cih Efrîne, her cih berxwedan e” meşiyan û mîtîngek lidar xist.
Zelxe Tîtrek ya ku di Mîtîngê de axivî, got: “ Di kesayeta Avesta Xabur de berxwedana jinê silav dikim.”
Piştre jî Lînda Hansen li ser navê Partiya Yekîtîya Kesk Sor û Zer axivî, got wekî partî em ê bibin şopdarê pêşnûmepirsa me radestê Wezareta Karê Derve kirî.
Hansan her wiha diyar kir ku piştgiriyê dide berxwedana Kurdan ya li Efrînê.
Di çalekiyê de belavok hatin belav kirin û bi diruşmên “Bijî Serok Apo” bi dawibû.
ODENSE/HORSENS
Li bajarên Odense û Horsens yên Danîmarkayê, meşek bi tevilbûna bi sedan kesan bi diruşmên “ Her cih Efrîne, her cih berxwedan e” hat kirin.
Di peyamên her du çalakiyan de hatin kirin berxwedana Efrînê hate silavkirin, hevkariya dewletên navneteweyî jî hatin şermezarkirin.
