STUTTGART

Li ser banga NAV-DEM’ê li bajarê Stuttgartê yê Elmanyayê çalakiyê kon ya 2 rojan dest pê kir. Konê çalakiyê yê ku duh li qada Rotebûhl Platzê ji bo enformasyon û piştevaniyê hate vedan gelek bal kişand.

Çalakvanan belavok belav kirin û li ser rewşa Reberê Gelê Kurd Abdullah Ocalan agahî dan gel.Çalakiya kon wê îro jî li heman cihê berdewam bike. 

OSLO

Li paytexta Norveçê Osloyê Kurdistaniyan li qada Eget Torget konê çalakiyê vedan. Konê çalakiyê ji aliyê Navenda Civaka Demokratîk a Kurdên Osloyê, Ciwanên UNKURD, Komîteya PJAK’ê ya Osloyê û Komîteya Tevgera Azad ve hatiye organizekirin. Di çalakiyê de derbarê rewşa Reberê Gelê Kurd Abdullah Ocalan belavok hatin belavkirin û agahî hatin parvekirin. 

Wê çalakiya kon her hefte rojên Şemî û Yekşemê di navbera seat 14-18’an de tevahiya havînê berdewam bike.