Li paytexta Fransa Parîsê bi şîara “Her cih Efrîn e , her cih berxwedan e” Platforma Xwedîderketina li Efrîn ava kirin.

Platforma Xwdîderketina li Efrîn a bi hatina gel hev a HDK-F, CDK-F, TJK-F, ACTIT, ADHK, PYD-Fransa, BÎR-KAR, SKB, ODAK, FEDA, CÎK, DÎDF,Pazarcik, Elbîstan, Halkevî, SYKP, nûnerên Saziya Mala Çandê ya Sinemîlî ava kirî, daxuyaniyek nivîskî dan.

‘EM TESLÎM NABIN’

Platformê di daxuyaniya xwe de ev tişt got:

“Berxwedana gelê ma ya li dijî êrîşên bi hevkariya AKP/MHP’ê ya li ser Rojava û bitaybet li ser Efrînê di roja 7’an de dewam dike.

Şoreşa li Bakurê Sûriye ku ji bo hemû gelên Rojhilata Navîn û mirovahiyê bûye garantiya jiyanê, li dijî êrîşên hêzên faşîst, hov û paşverû têkoşîna yekbûyî ya şoreşgerî ya enternasyonalîst derxistiye û bi têkoşîneke mezin, di encama ked û fedekariyê de hatiye avakirin û zindî bûye. Gelê me wê vê pêngava şoreşgerî ya mezin di serî de ne ji dewleta Tirk a mêtînger û ne jî ji ti hêzên emperyalîst re nahêle û teslîm nabe.

Çawa bi serkeftina Kobanê re di aliyê siyasî û leşkerî de destkeftiyên mezin hatin bidestxistin, wê bi şerê Efrînê re wê faşîzma TC a dagirker û hemû çeteyên wê bin ax bike û bi dawî bike.

Bi vê boneyê em weke welatparêz, sosyalîst, şoreşger û hêzên demokratîk ên li Fransayê dijîn, Plaftorma Xwedîderketina li Efrînê ava dikin, em ê bi her cûre awayî li dijî faşîzmê çalakiyên xwe gur û geş bikin.”

Her wiha platformê ji bo meşa sibe saet 14:00’an li Qada Repûblîqeyê bê lidarxistin jî banga tevlîbûnê kir.