Li binê konê li ber Şardariya Munchenê hat vedan, belavoka ji aliyê pêkhate û parlamenterên HDP'ê, rêxistinên civakî yên sivîl û endamên meclîsa şaredariyê ve hat îmzekirin, hat xwendin.

'BILA ÇARESERÎ BIKEVE ROJEVÊ, QEDEXEYA LI SER PKK'Ê WERE RAKIRIN'

Di belavokê de hat gotin, "Feraseta faşîzan a Tirkiye li hemberî Kurdan dimeşîne, xwe di nava Tirkên li Ewropayê de jî daye der. Êrîşa nîjadperestî ya li Hannoverê mînaka vê ye. Divê helwesta Ewropiyan a li hemberî Tirkiyeyê zelal û tund be. Pêwîste qedexeya li ser PKK'ê were rakirin û êrîşên faşîzan û nîjadperest ên li hemberî HDP'ê, bên bidawîkirin. Divê pêvajoya aştiyê ji nû ve bikeve rojevê û ji bo çareseriyê ya pêwîst bê kirin. Bi bilindkirina têkoşîna aştî û azadiyê re divê bersiv li hemberî van êrîşên nîjadperest û faşîzan bê dayîn."

Rojnamevan-Nivîskar Mehmet Altan ê ji bo panelekê li Munchenê ye, kon ziyaret kir.