Koordînasyona HDP'ê ya Hilbijartinê ya Marsîlyayê, li Navenda Civaka Demokratîk a Kurd civiya û banga seferberiyê li hilbijêrên li Marsîlyayê kir.

Koordînasyonê di daxuyaniya xwe de ragihand ku ji bo xwe bigihêinin hemû hilbijêrên li bajarên Marsîlya, Nîce, Montpellîer, Avîgnon, Perpîgnan û bajarokên ser bi van bajaran, wan xwe ji bo xebateke aktîf bi rêxistin kirine. Di daxuyaniyê de hat destnîşankirin, ku ji Erdogan û AKP'ê yên biryara şer dane, wê bersiv di 1'ê Mijdarê de bê dayîn.

'EM Ê NEHÊLIN WELÊT BIKIN DOJEH'

Di dewama daxuyaniyê de hat gotin, "Kurd, Tirk, Asûrî-Suryanî, Laz, Çerkez, Ermenî, Êzidî, Xiristiyan û Misilmanên li Marsîlya û derdora wê dijîn, bi dengdayîna ji bo HDP'ê re em ê pêşî li şer, înkar û dîktatorekî bigirin, ku welêt neke dojeh. Em ê aştî, azadî û biratiya gelan bi hev re ava bikin."