Li bajarê Marsîlya yê Fransa bi armanca piştevaniya bi Kobanê re semînerek hat lidarxistin. Di semînera ku ji aliyê Navenda Civaka Kurd a Marsîlya û Partiya Komunîst a Fransiz (PCF) ve hat lidaxistin, li şanoya herî girîng a Marsîlya Toursky pêk hat.

Di semînerê de wek axaftvan Berpirsiyara Pêwendiyên Derve ya Navneteweyî ya PCF Lydîa Samarbakhsh û ji Navenda Demokratîk a Kurd Salih Soylemez beşdar bûn.

Lydîa Samarbakhsh got ku çûye sînorê Kobanê ji berxwedanê re şahidî kiriye û wiha axivî: “Kobanê li ser navê mirovatiyê li ber xwe dide.”

Samarbakhsh diyar kir pêwîst e piştevaniya bi Rojava re bi gavên berbiçav bidome û got ku hesabên bankayan ên Heyva Sor a Kurdistanê dane endamên xwe.

Li ser navê Navenda Civaka Kurd jî Salih Soylemez anî ziman ku hêza herî mezin a li pişt DAIŞ’ê dewleta Tirk e. Soylemez got ku tevî hemû êrîşan jî Kobanê neket û wiha dewam kir, “Li Kobanê serketin nêz e.”

Di semînerê de wêneyên wênekêşê Fransî Yann Renoult ê li Rojava kişandine hatin nîşandan.