Li Kurkçulerê ji bo 5 rojan greva birçîbûnê dest pê kir
Girtiyên li Girtîgeha Girtî ya Tîpa F a Kurkçulerê ne, ji bo 5 rojan dest bi greva birçîbûnê kirin.
Girtiyên li Girtîgeha Girtî ya Tîpa F a Kurkçuler a Edeneyê tên girtin, ji bo rakirina tecrîda li ser Rêberê Gelê Kurd Abdullah Ocalan û dawîhatina li binpêkirina mafên mirovan ên li girtîgehê, dest bi greva birçîbûnê kirin.
Xizmên girtiyan gotin, greva birçîbûnê îro dest pê kiriye û wê 5 rojan dewam bike. Girtiyan diyar kirin, ku heta dawî li binpêkirina mafên mirovan bê wê çalakiyên xwe bidomînin.
