Serê vê sibehê karkerekî ji Rêveberiya Ceyrana Germiyanê, di dema sererastkirina xebatên ceyranê de rastî qezaya ceyranê hat û jiyana xwe ji dest da.

Berdevkê Rêveberiya Giştî ya Polîsên Germiyanê, Muqedem Hesen Mihemed Salih  ji ANF’ê re axivî û wiha got, “îro karkerêkî Rêveberiya Ceyrana Germiyanê yê bi navê Amir Star Hemîd, li taxa Şoreş a navçeya Kelarê, dema ku sibehê diçe ser kar û bi ceyranê re mijûl dibe di encama qezaya ceyranê de jiyana xwe ji dest da.”

Li ser pirsa gelo sedema vê bûyerê dibe ku ji bêxemî û nebûna derfetan be? Muqedem Hesen got: “Hemû pêwîstiyên ku xwe biparêze li ber dest hebûn, lê belê bi ceyranê re temas çêdibe û piştre radikin nexweşxaneya Kelarê; lê tevî hemû hewldanan jî nayê rizgarkirin û jiyana xwe ji dest dide û paşê cenaze radestî malbatê tê kirin.”