Kurdistanî û dostên wan ên ku li paytext Edînbûrg a Îskoçyayê kom bûn, faşîzma AKP/Qesrê protestokirin.

Di çalakiya ku li pêşiya Sefaretxaneya Tirk hate lidarxistin de, girtina Hevşaredarên Şaredariya Bajarê Meizn ê Amedê Gulten Kişanak û Firat Anli û êrîşên li ser çapemeniya Kurd hatin şermezarkirin.

Meclîsa Gel a Kurd a Îskoçya, PYD, FEDA û endamên Yekîtiya Malbatên Koçber ên Edîngbûrgê û dikandarên li derdor jî piştgirî dan çalakiya protestoyê.

Di çalakiyê de tim dirûşmên “Kujer Erdogan, dawî li qirkirina Kurdan bîne”, “Zext nikarin me bişkîne”  û “Dest nede vîna min” hatin qîrkirin. Çalakî bi banga bilindkirina berxwedanê bi dawî bû.