Li Iraqê xwendekar daketin qadan
Ji paytexta Iraq Bexdayê heta Basrayê li gelek bajaran bi hezaran xwendekar tevlî tevgera protestoykirinê bûn.
Ji paytexta Iraq Bexdayê heta Basrayê li gelek bajaran bi hezaran xwendekar tevlî tevgera protestoykirinê bûn.
Tevî gefa 'pêkanîna giran' a rayedaran jî xwendekarên Iraqî daketin qadan û xwepêşandan kirin.
Xwendekaran li bajarên Iraqê Bexda, Basra û Nasiriyeyê bi dirûşma 'heta ku rejîm têk biçe em ê neçin dibistanê' daketin qadan û ders boykot kirin.
Wezîrê Perwerdeyê Kûseyî El Sûheyl bang li zanîngehan kir ku xwe ji çalakiyên protestoyî vegirin.
Xwendekarên li meydana Tahrîr a Bexdayê jî bi dirûşma 'welat nebe dibistan jî nîne' bersiv dan El Sûheyl.
Li bajarê Diwaniye yê ku bi 200 kîlometreyî dûrî Bexdayê ye, xwendekarên saziyên taybet û cemaweriyê gotin, ku ji bo têkbirina rejîmê wê du rojan çalakiya rûniştinê bikin.
Li bajarê Nasiriyeyê jî bi hezaran xwendekar meşiyan.
Li bajarê Kûtê karmend û xwendekar bi hev re meşiyan.
Li bajarê petrolê Basrayê bi hezaran xwendekar daketin qadan.