Navenda Ragihandin û Çapemeniyê ya HPG’ê têkildarî êrîşên artêşa Tirk û çalakiyên gerîlayan daxuyaniyeke nivîskî weşand. HPG’ê diyar kir ku îro saet di navbera 10.00 - 10.30 de hêzên gerîlayan li hemberî çeperên leşkeran ên di navbera girên Şehîd Rahîme û Şehîd Zerdeşt ên li herêma Oremar a girêdayî navçeya Gever a Colemêrgê çalakiyek li dar xistine. HPG’ê ragihand ku li gor hatiye tespîtkirin 2 leşker hatine kuştin, lê hejmara kuştî û birîndaran zêdetir in. HPG’ê diyar kir ku piştî çalakiyê artêşa Tirk bi obus û hawanan bomberdûman kiriye.

HPG’ê da xuyakirin ku 19’ê Mijdarê artêşa Tirk li navçeya Payîzava bi awayekî zêde sewqiyata leşkerî pêk aniye û got: “Artêşa TC 20’ê Mijdarê saet 04.00 bi piştgiriya pêgerên hewayî yên bê mirov li qada Aşkîta ya Elbakê bi helîkopterên Skorsky leşker danîne giran. Heta saet 18.00'an 2 helîkopterên Kobra li qada Geliyê Aşkîta dane. Operasyon saet 18.00'an bê encam vekişiyaye.”

ARTÊŞA TIRK ŞEHÎDGEH XERA KIR

HPG’ê diyar kir ku operasyona artêşa Tirk li qada Apê Mûsa ya girêdayî navçeya Licê ya Amedê daye destpêkirin didome. HPG’ê ragihand ku 22’yê Mijdarê di encama êrîşên artêşa Tirk de Şehîdgeha Şehîd Harûn hatiye xerakirin.

LI HEMBERÊ HERÊMÊN GERÎLAYAN HEWAYÎ Û BEJAHÎ BOMBERDÛMAN

HPG’ê di daxuyaniya xwe de têkildarî êrîşên bejahî û hewayî ev agahî da:

“Ev 2 roj in li qada Deriyê Qaçê ya girêdayî Kato Jîrka ya Şirnexê pêgerên hewayî yên bê mirov digerin. 20’ê Mijdarê saet di navbera 17.00 - 18.00’an de balafirên şer qada Meydana Casûsa bombe kirin.

21’ê Mijdarê saet di navbera 13.00 - 17.00’an de qereqola Yekmal a li ser sînorê herêma Heftanîn; qada Bektorya, di navbera saet 11.00 û 22’ê Mijdarê saet 05.00 de artêşa TC a li derdora Şehîd Kendal bi cih bûye girên Deriyê Dawetiya û Şehîd Rênas bi obus, hawan û tankan bombe kiriye.

21’ê Mijdarê saet di navbera 12.00 - 15.40 de qereqola Bîlîcan a li ser xeta Zapê qadên derdora xwe qûntarê girê Xeregol, 22’ê Mijdarê saet di navbera 05.30 - 06.00 de qereqola Êrîş; girê Xeregol bi obus û hawanan bombe kiriye.

Ev  2 roj in ji alayên Elkê ya Şirnexê; Şehîdgeha Şehîd Kûrtay bi hawanan tê bombekirin. Dîsa helîkopterên Kobra li lûtkeya Kato Jîrka; Meydana Kolya û Şehîdgeha Şehîd Kûrtay dane.”

TEVGERA HEWAYÎ DIDOME

HPG’ê der barê tevgera hewayî de jî ev agahî da:

“21’ê Mijdarê saet di navbera 11.30 - 13.00 de li herêma Xakurkê, saet di navbera 11.00 - 14.00 de li herêma  Avaşîn, di navbera saet di navbera 12.00 - 13.00 û 22’ê Mijdarê (îro) saet 02.00 - 03.00 li Zapê tevgera balafirên şer pêk hat.

Di navbera 21’ê Mijdarê saet 16.00 û 22’ê Mijdarê saet 04.00 de li herêma Avaşîn, qadên Garê û Zapê pêgerên hewayî yên bê mirov bi armanca keşfê geriyane.”