Li gorî çavkaniyên herêmî yên li taxên Helebê yên di bin serweriya hêzên rejîma Baasê de ne, çeteyên Koalîsyona Sûriyeyê Taxên Tilel, Firqan, derdora Istasyona Bexdad, herêma El-Minşiyê, taxên Seyîd Elî, Heleb El-Cedîda û El-Hemdaniyê bi topên hawanan topbaran kirin. Di encama topbaranê de 11 sivîlan jiyana xwe ji dest dan û 5 kes jî birîndar bûn.  

Her wiha li gorî agahiyên ji çavkaniyên herêmî,  balafirên şer ên rejîma Sûriyê tax û gundewarên Helebê (bajaroka El-Sehare ya rojavayê Heleb û gundê El-Xelse, Emîş, Resim, Hiwêr, El-Eyîs, Berne ya başûrê Helebê, bajaroka Kefer Naha ya rojavayê Heleb, bajaroka Enedan û Erd El-Hemra yên li bakurê Helebê û taxên Biêdîn, Şêx Faris, El-Ansarî, El-Zibediyê, El-Miyeser, Bustan El-Qesir, Bab El-Neyrib, El-Heyderiyê û Bustan Başa yên li navenda bajarê Helebê ne û di bin serweriya çeteyên Koalîsyonê de ne bombebaran kirin. Di encamê de herî kêm 11 sivîlan jiyana xwe ji dest dan.

Li Taxa Şêx Seîd jî di navbera hêzên rejîmê û çeteyên Koalîsyona Sûriyeyê de şer didomin. Li çerxeriya Biêdîn a rojhilatê Helebê jî şer berdewame. Çeteyên Koalisyona Sûriyeyê dixwazin çerxeriya Biêdîn dubare ji hêzên rejîmê bigirin.