Çalakiyên ji bo protestokirina tecrîda li ser Rêberê Gelê Kurd Abdullah Ocalan û ji bo têkildarî mijarê raya giştî ya Ewropayê bê agahdar kirin dewam dikin. Çalakiyên standê yên li paytexta Fransayê Parîsê û taxên wê yên derveyî bajêr di roja duyemîn de dewam dikin.

Di van çalakiyên ku di pêşengiya navendên civaka demokratîk û Tevgera Jinên Kurd a Ewropayê de têne meşandin, ciwan, jin û encamên navenda civakê belavokan belav dikin. Her wiha Însiyatifa Ji Ocalan re Azadî broşûra ku berhevkirî û jînnameya Ocalan belav dike.

Endama TJK-E Xanê Ozbek a tevlî çalakiyê bû û ji ANF’ê axivî got, “Bi saya Rêbertiya me em ketin ferqa sîstema serweriya zilam a 5 hezar salî. Me xwe û girîngiya azadiya xwe fêm kir. Azadiya Rêbertî  azadiya jinan e.

Armanca çalakiya me balkişandina ser tecrîdê, ji zextan re gotina, ‘bes’ e. Em dixwazin bi çalakiyên xwe faşîzma AKP’ê û sûcê mirovahiyê yên li Tirkiyeyê û Kurdistanê li ser gelê Kurd têne pêkanîn deşîfre bikin.”

Endama TJK-E’yê Saniye Tûnç jî diyar kir ku armanca tecrîdê zilm û ceribandine û got, “Lê bila kes Kurdan neceribîne, em ne dest ji Rêbertiya xwe û ne jî dest ji azadiya xwe  berdidin.”