Li Awûstûryayê nêzî 250 hezar penaberên Tirkiye û Kurdistanê hene. Di hilbijartina 24’ê Hezîranê de wê 116 hezar Kurdistanî û Tirkiyeyî biçin ser sindoqan û dengê xwe bidin.

Di hilbijartina 1’ê Kanûnê de ji sedî 40 hilbijêrên Tirkiyeyî çûbûn ser sindoqan û dengên xwe dabûn. Hejmareke zêde ya penaberên Tirkiye û Kurdistaniyan ji herêmên Anatolyaya navîn; Dersîm, Sêwaz û Erzinganê ne, û beşeke zêde jî civaka Elewî ye. Ligel ewqas dijberiya AKP’ê ya li hemberî Kurdan û HDP’ê jî pêwendiyeke zêde ya ji bo HDP’ê heye.

DENGÊN HDP’Ê WÊ ZÊDE BIBIN

Li Awûstûryayê Koordînasyoneke Navendî ya hilbijartinê hatiye sazkirin û ev koordînasyon wê xebatên hilbijartinê bimeşîne û bişopîne. Endamên vê koordînasyonê ragihandin ku coş û kelecaneke bilind a ji bo hilbijartinê heye. Her wiha koordînasyonê anî ziman ku mal bi mal digerin û ji bo gel dengên xwe bide xebatan dimeşînin. Koordînasyonê ragihand ku di van xwebatan de gelek nûnerên sazî, bawerî û kêmaran raber kirin ku wê dengên xwe bidin Selahattîn Demîrtaş û HDP’ê.