Li Awûstûryayê partiya nijadperest îtirazî encamên hilbijartinê kir
Li Awûstûryayê rastgirên radîkal ên ku di hilbijartina serokkomartiyê ya 22’ê Gulanê de winda kirin, nerazîbûn nişanî encama dan.
Partiya Azadîxwaz a Awûstûryayê (PFO), ji bo hilbijartina ku bi 31 hezar dengan winda kirin diyar kir ku di hilbijartinê de fêlbazî hatiye kirin.
Serokê FPO Heînz-Chrîstîan Strache li gel namzetê serokkomariyê Norbert Hofer beşdarî konferansa çapemeniyê bûn, têkildarî detayên nerazîbûna ji bo hilbijartinan agahî da.Serokê FPO’yê diyar kir ku di hilbijartina tura duyemîn a ku di 22’ê Gualnê de ji 117 herêmên hilbijartinê, di 94 cihan de fêlbazî û kêmanî hatine diyarkirin.
Serokê FPO yê ku bi polîtîkayên nijadperestiyê tê nasîn, têkildarî hilbijartinê hin rexneyên Serokkomarê berê Heînz Fîscher jî nîşan da.
Norbert Hofer ê ku di hilbijartina serokkomariyê de di tûra duyemîn de ma, bi dengên ji sendîkeyan ve li pêşiya hevrikê xwe Alexander Van der Bellen bû, lê piştî dengên bi nameyan hatin dayîn û şûn de bi 31 hezar dengan hilbijartin winda kir. Van der Bellen ê ku partiya Keskan piştgirî dikir 2 milyon 254 hezar, Hofer jî 2 milyon 223 hezar deng standin.
