Kurdên li Libnanê jî di greva birçîbûnê de ne
Kurdên li Libnanê li hemberî tecrîda li Îmraliyê dest bi greva birçîbûnê kirin.
Kurdên li Libnanê li hemberî tecrîda li Îmraliyê dest bi greva birçîbûnê kirin.
Li Libnanê bi pêşengiya TEV-DEM û Kongreya Star li hemberî tecrîda li ser Rêberê Gelê Kurd Abdullah Ocalan û ji bo piştgiriya Leyla Guven û girtiyan, greva birçîbûnê hate destpêkirin.
Kurdên ku ketine greva birçîbûnê diyar kirin ku heta Ocalan azad bibe, ew ê têkoşîna xwe bidomînin.
Li Beyrûdê ya ku paytexta Libnanê ye, li Avahiya Weqfa Newrozê çalakî hate destpêkirin û gelek kes tevlî çalakiyê bûn.
Beriya destpêkirina greva birçîbûnê vîdeoya nirxandinên Ocalan hate nîşandan.
Endama TEV-DEM’ê Şervîn Cûdî diyar kir ku Guven di serî de ew hemû girtiyên di greva birçîbûnê de silav dike.