Çalakiya nobetê ya ji bo azadiya Rêberê Gelê Kurd Abdullah Ocalan a li ber Konseya Ewropayê ya Strasboûrg  a Fransayê didome kete heftiya 326'an.

Çalakiya nobetê ku her heftî Kurdên ji bajarên cuda yên Ewropayê tevlê dibin, vê carê ji bajarê Evry ya  Fransayê Xanim Ozdemîr, Dogan Çelîk û Fatma Elî dewr girtin. Heftiya bihurî jî ji Drancy a Fransayê komekê dewr girtibû.

Çalakgeran nebihîstyarî û helwesta ne dadmend a Konseya Ewropayê (KE) û Komîteya Pêşîlêgir a Êşkenceyê (CPT) rexne kirin, gotin ev ji 2 salan zêdetir e ti agahî ji Ocalan nayê standin. Çalakgeran gotin li gel ku dewletên dagirker zextê li ser Kurdan dikin jî kes guh nade wan û xwestin ku bi lezgînî şandeyek biçe Imraliyê û rewşa Ocalan hîn bibe.

Çalakgeran di çalakiyê de gotin, ''Kes guh nade me. Lê divê neyê ji bîr kirin ku Rêbertiya me û gelê Kurd di rêyeke rast de ne. Divê were zanîn ku em ê heta dawiyê bimeşin.''