Êrîşên dagirkeriyê yên dewleta Tirk ên li dijî Rojava û komkujiyên ku kiriye wê Şemiyê li gelek bajarên Elmanyayê bi rengekî girseyî bên şermezarikrin. Konfederasyona Civakên Kurdistaniyên li Elmanyayê (KON-MED) der barê daxuyaniyan daxuyaniyek weşand û diyar kir, berxwedana Rojava wê destketiyên mezin biafirîne. Di daxuyaniyê de hate ragihandin, ku dewleta Tirk a dagirker di şexsê Rojava de dest bi şerekî mezin ê li dijî destketiyên Kurdan û qirkirinê kiriye û hate goti, "Li dijî vî şerê ku ji bo tinekirina gelê Kurd tê kirin, gelê Kurdistanê jî bi ruhê seferberiya neteweyî berxwedana lehengiyê ya mezin a rizgariya neteweyî dike."

BANGA JI BO ÇALAKIYAN

Di daxuyaniyê de hate bibîrxistin ku yên li dijî DAÎŞ'ê têkoşîna rûmetê kirin niha bûne hedefa tank, top, fuze û balafirên şer ên dewleta Tirk a dagirker û çeteyên wan û hate destnîşankirin, "Di serî de gelê Kurd divê her kes li dijî vê rewşê rabe ser piyan. Dinya hemû li dijî Hîtler bû yek û bi vî rengî karîbûn Hîtler têk bibin. Erdogan faşîstê vê sedsalê ye, lewma em bang li gelên dinyayê dikin ku li dijî faşîst-dîktator Erdogan ê dijminê mirovahiyê ye bi hev re têbikoşin.

Roj ew roj e ku neviyên Şêx Mehmûd Berzencî, Qazî Mihemmed, Şêx Seîd, Seyîd Riza, Dr. Qasimlo, Dr. Nûrî Dersimî, Apê Mûsa Anter, Rustemê Zal bi hişmendiya neteweyî û ruhê tolhildanê rabin ser piyan. Em bang li gelê xwe, hemû gelan, hêzên şoreşger û demokratîk dikin ku bi ruhê yekîtiya neteweyî di 19'ê Cotmehê Şemiyê de li Elmanyayê beşdarî meşên navendî yên mezin bibin. Bi ruhê raperînê yê neteweyî em rabin ser piyan û ji bo azadiyê, rûmetê, rizgariya welat ji 7 salî heta 70 salî her kes bi rengê herî xurt tevlî çalakiyan bibin.

Di daxuyaniyê de her wiha provokasyonên alîgirên rejîma faşîst a Erdogan hatin bibîrxistin û ji her kesî hate xwestin ku li dijî provokasyonan hişyar bin, nekevin xefika provokasyonan.

Bernameya çalakiyên Şemiyê yên li Elmanyayê wiha ye:

KOLN (Meşa ji du baskan ve)
Baskê yekemîn: Ebertplatz
Baskê duyemîn: Clodwigplatz
Dema destpêkirinê: Saet 11:00

BERLÎN
Potsdamer Platz (Historische Ampelnlage)
Saet: 13:00

MAGDEBÛRG
Hbf
Saet: 17:00                                                                                                                                                                     

LEÎPZÎG
Eisenbahnstr (ALDÎ)
Saet: 16:00                                                                                                                                                                                     

CHEMNÎTZ
Johannesplatz
Saet: 16:00                                                                                                                                                                                               

HAMBÛRG
S-Bahn Sternschanze
Saet: 15:00

HANNOVER
Opernplatz
Saet: 14:00

STÛTTGART
Lautenschlager Str
Saet: 15:00

NURNBERG
Karl-Böreger-Zentrum
Saet: 15:00

FREÎBÛRG
Platz der Alten Synegoge
Saet: 17:00                                                                                                                                                                          

FRANKFÛRT
Hbf
Saet: 16:00

SAARBRUCKEN
Europa Galeria
Saet: 14:30