Komîteya Piştgiriya bi Efrînê plana xwe ya çalakiyan eşkere kir
Komîteya Piştgiriya bi Efrînê re li dijî êrîşên dagirker ên dewleta Tirkiyê yên li dijî Efrînê plansaziya xwe ya çalakiyan eşkere kir.
Platformê daxuyaniyeke nivîskî weşand û diyar kir ku divê ew xwe bigihînin hêz û qadeke berfireh a demokratîk li Tirkiye û Ewropayê.
Plansaziya çalakiyan a bi sernavê "Her der Efrîn, her der berxwedan" wiha ye:
"27'ê Çileyê di çarçoveya 'Her der Efrîn, li her derî berxwedan' de wê çalakiyên girseyî yên navendî bêne lidarxistin.
Di hemû çalakiyan de wê YPG, YPJ, PYD, TEV-DEM esas bên girtin.
28'ê Çileyê li hemû bajaran bi şiyara 'Efrîn li ber xwe dide' meşên bi meşale pêk werin.
29'ê Çileyê li gelek bajaran wê çalakiyên 'mêrên rawestiya ye û jinên rawestiya ye' bi hezaran kesan bêne lidarxistin.
30'ê Çileyê li ber hemû parlamentên eyalet û welatan wê çalakiyên rûniştinê bêne lidarxistin.
31'ê Çileyê wê bi pêşengiya rêxistinên ciwan û jinan, komîteyên berxwedana Efrînê saet 15:00'an çalakiyên demokratîk ên rewa pêk werin.
1'ê Sibatê bi pêşengiya komîteyên berxwedana Efrînê saet 17:00'an şûn ve çalakiyên şevê pêk werin.
2'ê Sibatê bi pêşengiya Civaka Îslamî ya Kurdistanê piştî nimêja Înê li hemû qadan bi şiyara 'NA ji dagirkeriya Fîrewnan re' wê çalakî pêk werin.
3'ê Sibatê bi pêşengiya Tevgera Jinên Kurd a Ewropa û bi tevlîbuna komîteyên berxwedana Efrînê li bajarên Elmanya Frankfurt, Giessen, Mainz, Stuttgart, Heilbron, Bodensee, Freiburg, eyaleta Mannheim, Nurnberg, Munîh, Ulm, eyaleta Dortmund, eyaleta Duseldorf, eyaleta Hannover, Berlîn, Kassel, Sachsen, Hamburg, Bremen, Oldenburg, Salzgîtterê û li bakûr û başurê Fransayê li Rennes, Bordeaux, Lyon, Strasbourg û li peytexta Swêd Stockholmê navendî, li bajarê Swêd Göteburg û li Norveç, Fînlandiya, Danîmarka, li peytexta Ingilîstan Londonê, li Galler, Skoçya, Îrlanda, Viyana, Lînz, Tîrol, Graz, Belçîka, Hollanda, Îtalya, Japonya, Kanada, Avusturalya çalakiyên girseyî werin lidarxistin.
4'ê Sibatê bi pêşengiya ciwan û komîteyên berxwedana Efrînê meşên şevê wê bêne lidarxistin.
Meşen dirêj ên ji 3 milan ve pêk werin, wê weke hatiye plan bêne lidarxistin.
17'ê Sibatê mitînga protestoya komploya navneteweyî ya li Strasbourgê wê bi tevlîbûna 100 hezar kesî pêk were."
