Serokê Komîsyona Ewropayê Jean-Claude Juncker got, ew ê îro biryarê li ser vê mijarê bidin.

Juncker ji qenela televizyonê ya Elman a ZDF’ê re axivî û got, fikra giştî ew e ku li ser saeta havînî bimînin.

Hate gotin ev biryar li encamên ankêta li ser înternetê ya vê havînê ya Komîsyona Ewropayê digunce.

Li gorî radyoya Europe 1 4,5 milyon Ewropî tevlî ankêtê bûne û ji 10 kesan 8’an jê gotina bila dawî li ferqa saetan a di navbeyna saeta havînî û zivistanî de were.

Sepanîna havîn-zivistanê 1976’an dema krîza petrolê dest pê kiribû. Hatibû gotin armanca vê ya sereke ew bû ku ji rojê sûd werbigirin.

Lê hem lêkolînên komîsyonê û hem jî lêkolînên dî nîşan dan ku bandora vê sepanînê ya li aboriyê marjînal e.