Komeleyên ku hatibûn girtin polîsan bi ser de girtin
Li Amedê polîsan avêtin ser avahiyên Komeleya KURDÎ-DER û Komeleya Çand û Huner a Dicle Firat ku di nav komeleyên bi BHQ’ê de hatin girtin.
Bi biryarên BHQ'ê li Tirkiye û Kurdistanê nêzî 500 komele û sazî hatin girtin û mohrkirin. Herî zêde komele û sazî li Amedê hatin girtin. Piştî sazî û komele hatin girtin û mohrkirin, polîsan li Amedê mohrên saziyên ku BHQ’ ê hatine girtin şikandin û bi ser avahiyan de girtin. Polîsan di serdegirtina Navenda Çand û Huner a Dicle Fıratê û Navenda KURDÎ-DER'ê de lêgerîn kirin û pirtûk desteser kirin.
