Welatiyên ku li dijî birîna darên Parka Gezi ya Teksimê bertekên xwe anîn zimna û çalakî pêk anîn rastî mudaxaleyê hatin. Polîsan bombeyên gazê bikar anîn û mudaxaleyî komê kirin. Parlamenterê BDP'e yê Stenbolê Sirri Sureya Onder, berê ji bo birîna daran asteng bike li pêş maşîneyên kar çalakî pêk anîbû. 

Hikûmeta AKP'ê û Şaredariya Stenbolê ya AKP'î bi tevkariya hev ji bo qada Taksîmê bikin qada meşê proje amede kir û dest bi birîna daran a li Parka Geziyê kir. Welatiyên nerazîbûnê li hemberî birîna daran pêk tînin 3 rojin çalakiyan lidar dixin. Welatiyên ku li Parka Geziyê nobet girtin û çalaki pêk anîn polîsan saet di 05.00'an de bi maşîneyên TOMA û gazên îsotê êrîşî komê kir. Polîsan konên çalakvanan hilweşand. Di çalakiyê de agir bi konan ket û maşînê îtfaiyê ku hatin cihê bûyerê agir vemirandin. Piştî polîsan mudaxaleyî girsê kir, maşîneyên kar li parkê dest bi kar kirin. 3 maşîneyên kar di bin dorpêça polîsan de dest bi kar kirin. Parlamenterê BDP'ê yê Stenbolê Sirri Surreya Onder berê jî hat Parka Geziyê û çalakî pêk anîbû û li pêş maşîneyên kar sekinîbû. Oner, li ser bûyerê disa hat parkê û dîsa çalakî pêk anî. Di ragehişê de girse li ber parka Geziyê kom bû û polîsan jî park dorpêç kir. Rageşiya di navbera polîs û girsê de berdewam dike.