Roja duşemê Platforma Piştevaniya Taksîm ku dixwest forumekê li dar bixe rastî êrîşa polîsan hatibû û 60 kes hatibûn binçavkirin. Ji wan kesan 49 kes îro birin edliyeyê.

Di êrîşa polîsan a li hemberî foruma ku Platforma Piştevaniya Taksîmê dixwest pêk bîne di nav wan de ji Şaxa Buyukkent a Odeya Mîmaran Mîmar Mucella Yapici, Sekreterê Giştî yê Odeya Tabîban a Stenbolê Alî Çerkezoglu, Serokê Şaxa Stenbolê ya Odeya Muhendîsên Elektrîkê Ender Îmrek, Ongun Yucel û Haluk Agabey hebû 60 kes hatbûn binçavkirin.

Yên binçavkirî piştî karûbarên wan ên li muduriyeta polîsan birin edliyeyê. Sekretera Giştî ya Şaxa Buyukkent Odeya Mîmaran û Sekretarya Piştevaniya Taksîm Mucella Yapici ya ji ber pirsgirêkên xwe yên tenduristiyê hatibû berdan jî danê sibê hat edliyeyê.