Jinên li bajarê Kobanê bi armanca şermezarkirina çêkirina "dîwarê şermê" ku ji aliyê hikûmeta Tirkiyê ve di navbera Bakûr û Rojavayê Kurdistanê de tê çêkirin, daxuyanî da çapemeniyê.

Daxuyaniya ku bi pêşengiya Yekîtiya Star hate organîzekirin, li pêşiya Navenda Çand û Hunerê ya Baqî Xido hate lidarxistin.

Di çalakiya ku pankartên wekî, "Dîwar nikarin vîna gelê me bişikînin û Kurdistanê perçe bikin" hatin vekirin de, li ser navê Kodînasyona Yekîtiya Star Sara Xelîl  daxwiyanî  xwend.

Sara Xelîl, çêkirina "dîwarê şermê" şermezar kir û diyar kir  ku ew van siyasetan qebûl nakin. Sara Xelîl got ku ew bi fikir û felsefeya xwe yek in, lewre tu hêz nikarin wan bixapînin. Sara wiha dom kir: "Em ê wekî jin bi hemî hêza xwe bixebitin, bibin mertal û nahêlin ku dîwarên  bi wî awayî werin lêkirin."