10 aktîvîstên Kurd ên Îlona 2012’an ji doza PKK’ê hatin girtin, 3 mehan di bin tecrîdê de hatin hiştin û Cotmeha 2014’an ji bo bêsûc hatin dîtin hatin beraetkirin, li ser îtîrza dozger ji nû ve tên darizandin.

Doza 31’ê Tebaxa 2015’an destpê kir û heta Tîrmeha 2016’an wê dewam dike, hefteyê sê rojan wê li Østre Landsret a Dadgeha Bilind a Danîmarka pêk bê.

10 aktîvîstên Kurd bi sedema ji bo ROJ TV û gelê Kurd ê pêwîstiya wan bi alîkariyê heye alîkariya madî ya pereyan kom dikin, li hember pêşveçûnên li Kurdistanê bêdeng namînin mîtîng, meş û aktîvîteyan li dar dixin tên darizandin.

Bi dehan Kurdistanî û dostên wan ên saet 14.00’an li ber dadgehê bûn xwedî li 10 aktîvîstên Kurd derketin.

Di mîtînga piştgiriyê ya Navenda Civaka Demokratîk a Kurd a Danîmarka li dar xist, der barê dozê û pêvajoya dadgehê de belavok hatin belavkirin û axaftin hatin kirin.

Di mîtîngê de Annette Mørk li ser navê Komîteya Piştevaniyê ya Em Girtiyên Siyasî Naxwazin a Danîmarka  û li ser navê 10 aktîvîstên bi awayekî negirtî tên darizandin axaftin hatin kirin.