Ji bo kongreya HDP’ê milyonek vexwendinname
Ji bo kongreya HDP’ê ya di 11’ê Sibatê de milyonek vexwendinname hatin amadekirin. Ji qada navneteweyî jî gelek kes hatin vexwendin.
Ji bo kongreya HDP’ê ya di 11’ê Sibatê de milyonek vexwendinname hatin amadekirin. Ji qada navneteweyî jî gelek kes hatin vexwendin.
Amadekariyên Kongreya Mezin a Giştî ya HDP’ê ya 3’emîn didome ya ku ew ê di 11’ê Sibatê de li Enqereyê were lidarxistin.
Li 8 herêman ji 100’î zêdetir konferans hatin lidarxistin û ji bo kongreyê jî milyonek vexwendinname hatin amadekirin û şandin.
Tê payîn ku ji qada navneteweyî jî gelek kes beşdarî kongreyê bibin. Ji 300 kesên di qada navneteweyî de dixebitin, vexwendinname hatin şandin.
Ji Endama Rêxistina Rizgariyê ya Gel a Fîlîstînê Leyla Xalid, Serokê Partiya Karkeran ê Îngîltereyê Jeremy Corbyn, fîlozofê navdar Noam Chomsky jî vexwendinname hatiye şandin.
Di heman demê de ji Afrîkaya Başûr heta Kuba, Venezûella û Sûriyeyê ji gelek nûnerên partî û rêxistinan vexwendinname hatiye şandin.
Kongre wê li Eywana Sporê ya Arenayê ya Enqereyê were lidarxistin. Ji bo ewlehiya hundir û derve wê bi kêmanî hezar kes ji aliyê HDP’ê ve werin peywirdarkirin.