Dîwana Hevseroktiyê ya Kongreya Civaka Demokratîk a Kurdistaniyên li Ewropayê (KCDK-E) bi daxuyaniyeke nivîskî bi bîr xist ku çalakiya nobedê ya ji bo azadiya Rêberê Gelê Kurd Abdullah  Ocalan li bajarê Strasboûrgê ya Fransayê pêk tê, 25'ê Hezîranê wê 6 salan li pey xwe bihêle.

Çalakiya nobedê ya 'Ji Ocalan re azadî', ji 25'ê Hezîrana 2012'an ve li qada ku Konseya Ewropa, Dadgeha Mafê Mirovan a Ewropayê, Komîteya Pêşîlêgirtina Êşkenceyê û Parlamentoya Ewropayê tê kirin.

KCDK-E'yê bi bîr xist ku heta niha li Ewropayê gelek kes, sazî û komên civakî yên cuda yên Kurdistanî, Tirkiyeyî, Asûr, Elewî, Êzîdî û Ewropî, siyasetmedar, sendîkavan û şaredar tevlî çalakiyan nobedê bûne. Di daxuyaniyê de hate gotin, taybetmendiya çalakiyê ew e ku bi demekê ne sînordar e, hefteyê heft rojan bênavber didome û ev jî nîşana wê ye ku ji daxwaza 'ji Ocalan re azadî' yek gav jî bi paş de nayê avêtin. KCDK-E destnîşan kir ku çalakî heta azadiya Rêberê Gelê Kurd Abdullah Ocalan wê bidome.

Di dewama daxuyaniyê de hate hate ragihandin ku ku pêvajoya berdest ji bo têkoşîna dijî tecrîda li ser Ocalan û ji bo pêkanîna azadiya Ocalan pir girîng e û got, "Rabûna li ber tecrîda li ser Rêberê Gelê Kurd Abdullah Ocalan peywireke exlaq, însên û wijdên e."

KCDK-E'yê li ser tevlêbûna xwe ya li çalakiya nobetê got, "Ji bo têkoşîna dijî tecrîda li ser Rêber Apo û azadkirinê, ku em vê hem ji peywireke exlaqê û wijdanê dibînin û biryara Kongreya me ya 2'yan e, di salvegera çalakiya nobetê  de, ya 'ji Ocalan re azadî' ya li Strasboûrgê, 25'ê Hezîranê hevserokên KCDK-E'yê, hevserokên hemû hemû sazî û dezgên bin banê wê yên li hemû welatan, nûnerên jin û ciwanan em ê nobeta 'Ji Ocalan re azadî' dewr bistînin."

KCDK-E'yê bi domdarî diyar kir ku divê çalakiya nobetê ya 'Ji Ocalan re azadî' bi rengekî geştir û berfirehtir were domandin û bang li gelê Kurd û dostê Kurdan kir ku tevlî çalakiya 'Ji Ocalan re azadî' bibin.

KCDK-E'yê got, nobeda wan wê hefteyekê bidome û wiha bang kir: "Em Bang li gelê xwe yê Ewropa, dostên xwe, bang li şoreşger, demokrat, rewşenbîr, Ermen, Sûryan, Kurd, Tirk, Laz, Çerkezan dikin ku bi rengekî geş tevlî çalakiye bibin."