Partiya Demokratîk a Gelan ( HDP) encamnameya civîna Meclîsa Partiyê ya berfirehkirî ku 15-16’ê Cotmehê bi tevlêbûna serokên bajaran û wekîlan pêk hatî daxuyan.

LI DIJÎ REWŞA AWARTE

Di encamnameyê de hate wiha hate gotin: ‘’Hate tespîtkirin ku di şerê Kurdistanê de, li dijî şer di tevgerkirina girseyê de û rêxistinkirina muxalefetê de kêm naye. Her wiha hate destnîşankirin ku piştî ihlbijartina 7’ê Hezîranê de di diyarkirina insîyatîfa siyasî de qels maye û têr nekiriye.’’

LI DIJÎ TECRÎDÊ

Di encamnameyê de bal hate kişandin ser tecrîda li ser Rêberê Gelê Kurd Abdullah Ocalan û hate gotin ji bo çareseriyê û aştiyê rabûna tecrîda li ser Ocalan jêneger e û di her derfet û delîveyê de ji bo ku tecrîd bi dawî bibe ew ê bi rikdarî tim di nav liv û tevgerê de bin.

Her wiha bal hate kişandin ser bajarên ku xwerêveberî ragihandin û hate gotin ji bo piştevaniya madî û manewî ya li van bajarên ku xwerêveberî hatiye ragihandin ew ê kampanyayê ku hatine destpêkirin hewl bidin bigihînin hemû beşên civakî.

Di encamnameyê de behsa giringiya demokrasiya xwecih kir û ew, vê modêlê ji bo Tirkiyê jî pêşniyar dikin.

Di encamnameyê de behsa têkoşîna hevpar a hêzên demokrasiyê hate kirin û hate gotin ji bo rewşa parşebûyî ya hêzên demokrasiyê ji holê rabe û têkoşîna hevpar a hêzên demokrasiyê pêk were ew ê biryardar bin.

MUXALEFETA DIJÎ YEKZILAMIYÊ

Di encamnameyê de hate gotin di rojên pêş de ‘rêveberiya yekzilamî’ wê were rojevê û piştre referandûm û hilbijartina pêşwext. Hate diyarkirin ku ew ê muxalefetê li dijî rêveberiya yekzilamiyê bikin.

LI DIJÎ POLÎTÎKAYÊN SERDESTIYA ZILAM

Di encamnameyê de bal hate kişandin ser hişmendiya serweriya zilêm ya ku li ser jinê tê kirin û hate gotin li dijî polîtîkaên serweriya zilam bi awayekî çalak û berfireh têkoşîn yek ji biryara wan herî xurt e.

PÊNGAVA RÊXISTINBÛNÊ

Di xala pêngava rêxistinbûnê de hate gotin li dijî sîstema yekparêz a netew-dewletê bi pêşengtiya Kongreya Demokratîk a Gelan ji bo ku gel û baweriyên cihê li ser zemîna wekheviyê bikaribin bi hev re bijîn wê xebatên xwe xurtir bimeşînin. Herwiha behsa giringiya demokrasiya tevlêker û xwecih, ji cih ve rêveberinê hate kirin û hate gotin hişmendiya aştî, azadî, wekheviyê ku hêviya siyaseta wan e bi rojevên rasteqînin bigihînin gelan.

EM Ê BI HÊZDARÎ DERBIKEVIN

Di dawiya encamnameyê de hate gotin, ew bi hişmendiya demokrasiya radîkal pêngavekê didine destpêkirin û bang li hemû gel, dost, mexdûr, muxalîf, demokrast û welatiyên xweyî ûcdan kirin da ku vê têkoşînê bi hev re geş û gur bikik.

Bi berdewamî hate gotin ti zordar ne heta hetayê ne û dîrok li wan ferz dike ku ew li dijî zordaran ber xwe bidin. Herî dawî hate gotin ku ew ê ji vê rewşa zordariyê bi hêzdariyekê derbikevin.