Cîgirên Serokê Koma HDP'ê Pervîn Bûldan û Îdrîs Balûken, ji bo 'Qanûna Ewlekariya Hundir' bi temamî ji holê were rakirin, qanûnek pêşniyar kirin.

Bûldan û Balûken diyar kirin ku ji sala 2007'an dema qanûnîbûna 'Paketa Ewlekariya Hundir' û vir ve, 179 sivîl bi guleyên polîsan jiyana xwe ji dest dane û ti ji berpirsyarên van kuştinan nehatine cezakirin.

Bûldan û Balûken ragihandin ku naveroka 'Paketa Ewlekariya Hundir' li dijî Destûra Bingehîn, li dijî Peymanên Navneteweyî yên ku Tirkiye aliyekî wê ye û li dijî biryarên Dadgeha Mafên Mİrovan a Ewropayê ye.

QANÛNA HAT PÊŞNIYARKIRIN

Bûldan û Balûken ev qanûn pêşniyar kirin:

"XAL-1 Qanûna Selahiyet û Wezîfeya Polîsan a bi hejmara 6653 a 27.03.2015'an ku di nava raya giştî de weke Qanûna Ewlekariya Hundir tê zanîn, Qanûna Erk, Wezîfe û Rêxistina Jenderme û Qanûna li ser Pêkanîna Guhertinên di hin Qanûnan, bi temamî ji meriyetê hatiye rakirin. 

XAL-2 Ev qanûn ji roja hat weşandin û pê ve dikeve meriyetê.

XAL-3 Hikmên vê qanûnê ji aliyê Desteya Wezîran ve tê birêvebirin.

SEDEMÊN XALAN

XAL-1 Qanûna Selahiyet û Wezîfeya Polîsan a bi hejmara 6653 a 27.03.2015'an ku di nava raya giştî de weke Qanûna Ewlekariya Hundir tê zanîn, Qanûna Erk, Wezîfe û Rêxistina Jenderme û Qanûna li ser Pêkanîna Guhertinên di hin Qanûnan, ji ber ku pîvana cudahiya navbera hêzan tine dihesibîne, erkên bê sînor dide polîsan, azad û mafên kesan asteng dike, li dijî Destûra Bingehîn, li dijî Peymanên Navneteweyî yên Tirkiye jî aliyê wê ye û binpêkirina biryarên Dadgeha Mafên Mirovan a Ewropayê ye, hatiye xwestin ku bi temamî bê rakirin.

XAL-2 Xala birêvebirinê.

XAL-3 Xala rêveberan."