Komîteya Rêveber a Tevgera Şoreşger a Yekbûyî ya Gelan (HBDH) bi wesîleya salvegera Komkujiya Sêwasê bi sernavê " Em ê dewleta kujer hilweşînin û hesabê komkujiyê bipirsin " daxuyaniyeke nivîskî da.

Di daxuyaniyê de ev tişt hat gotin:

"Komkujiya ku di 2'yê Tîrmeha 1993'an de li Otela Madimak a Sêwasê pêk hat, di hişê mirovahiyê de şopên kûr hişt. Rewşenbîr, helbestvan, nivîskar û zarok jî di nav de 35 kes di televîzyonê de bi awayek zindî şewata wan hatibû weşandin. Kesên bi tekbîran di destê wan de bîdonên benzînê heyî mirova bi saxî şewitandin. Rêveberên dewletê yên qatil wê demê li çepikan didan û hêzên hiqûqê yên faşîst jî destên xwe dabûn hev û li çi diqewime temaşe dikirin.

'DEWLET BI XWE VÊ KOMKUJIYÊ ORGANÎZE KIR’

Serokwezîra wê demê Tansu Çîller jî got, 'Şikir ji Xwedê re, gelê me yê li derveyî otêlê zirar nedît', kujeran weke gel bi nav kir û xwedî li kujeran derket. Mîna ku di dîroka wan de qet qetlîamên din tunebin û deqek piçûk ketiye dîroka wan a kevnar. Ev feraseta Tirk-Îslamê ku dîroka wê tijî komkujî ye û her pêncî sal carekê bi dehan qetlîam xistiye dîroka xwe ya tarî, êrîşî netewe, kêmnetewe û baweriyan dikin.

Kê Çorum, Mereş û Gazî afirand; Tê zanîn ku têgihiştina ku van planên bi xwîn di qalibên cuda de dide ber çi û ji ber çi tê zanîn. Eşkere ye ku qatilên ku koka wan Yavuz Selîm e û bi mejiyê Îttîhad û Terakkîyê hatine yekkirin, li Sêwasê 35 rewşenbîr, helbestvan û Elewî bi hincetên şewitandinê qetil kirin. Vê carê jî di bin navê olê de 35 gelê me ji xwe re kirine hedefa qetlîamên siyasî, ji bo siyaseta xwe ya navendî serdest bikin.

Mîna hemû qetlîamên dewleta faşîst, Komkujiya 2’ê Tîrmehê ya Madîmakê jî qetlîamek plankirî ye ku bi rojan berê dihat ceribandin. Ev qet ne êrîşeke ku ji aliyê yek an du kesan ve bi hêrs tê kirin. Komkujiyeke ku bi destê dewletê bi xwe hatiye organîzekirin, plankirin û belavkirin e.

'WÊ HESAB BÊ PIRSÎN’

Em 2'ê Tîrmehê tu carî ji bîr nakin û ji bo kesên mirin ji gelên me re rewa dibinin, elbet dê peyvek me li dijî wan hebe. Em dizanin û me rayedarên darazê yên ku we beraat kirin, dosyayên ku we ji wextê xwe derdixist û qatilên ku we bi îdeolojiya xwe ya nîjadperest û faşîst mezin kir, ji bîr nekir. Dûmana Madimakê heta ku em hesap bipirsin wê bidome û teqez em ê hesab bipirsin.

Di serî de 35 mirovên xwe yên di dîrokê de nemir bûne, hatine qetilkirin, ketine ber şûrê desthilatdaran, gulebarankirin, bombekirin û şewitandin em hemûyan bi rêzdarî û minetdarî bi bîr tînin. Weke HBDH’ê û KBDH’ê em soza ku em ê ji kujeran hesab bipirsin dubare dikin û em soz didin ku em ê ji bo cîhanek azad bi ser bikevin.”