Greva birçîbûnê ya Meclîsa Şengalê ya Dîasporayê, ku ji bo Ocalan li bajarê Strasboûrg ê Fransayê bi rengekî bêdem-bêdorveger hatiye destpêkirin di roja 21. de ye. Li gorî agahiyan, rewşa tenduristiyê ya çalakger Bozo Bacinî îro giran bûye.

Çalakgeran îro ji saziyên Yekîtiya Ewropa (YE), Parlamenta Ewropa (PE) û saziyên din ên navneteweyî re name şandin û agahî dan wan. Çalakgeran her wiha nerazîbûn nîşanî CPT dan, ku bi erka xwe ranabe.

Çalakger wê hewl bidin di nava vê hefteyê de bi Serokên Komên li Parlamenta Ewropayê û Komîsyonên Karên Derve re hevdîtinê bikin. Di van serdanan de wê rewşa Ocalan û mijara statuya Şengalê bên nirxandin.

Çalakgerên greva birçîbûnê ji bo çalakiya 15'ê Îlonê ya li pêşiya Parlamenta Ewropayê ya li Strasboûrgê banga tevlîbûnê li gel kirin.