Yek ji berxwedêrên greva birçîbûnê ya li Strasboûrgê Kerem Solhan e. Solhan sala 1965'an li gundê Ozkonak ê navçeya Gimgim a Mûşê ji dayik bûye.

Solhan ku sala 2000'î ji neçarî hate Fransayê, li wir jî têkoşîna xwe dewam kir.

Kerem Solhan ji rojnameya Yenî Ozgur Polîtîkayê re axivî û diyar kir, 80 ji sedî ew tevlî çalakiyên li Ewropayê hemûyan bûye.

Solhan anî ziman, ew vê yekê ji bo xwe têrker nabîne û got, "Pêvajo gelekî neçê dimeşe. Ji ber vê yekê bi şev û roj difikirim, bê çi dikarim bikim; Gelo xwe feda bikim ez ê karibim bibim ronahiyek, ez ê karibim dawî li vê tarîtiyê bînim?"

Kerem Solhan anî ziman, ji bo piştevaniya bi çalakiya gerva birçîbûnê ya Leyla Guven re wan li herêma xwe dest bi greva birçîbûnê ya 3 rojan kirin û ew jî tevlî bû.

Solhan got, "Min bihîst ku wê greva birçîbûnê ya bêdem û bêdorveger li vir dest pê bike. Min jî biryar da ku tevlî bibim û ev biryara xwe bi hevsera xwe re parve kir. Wê jî hurmet nîşanî biryara min da. Em niha li vir in û bi biryar in ku heta bidawîbûna tecrîdê di greva birçîbûnê de bin."