Di çalakiya ku bi beşdariya bi sedan kesî hat lidarxistin de, Seval Ûlûs daxuyanî da çapemeniyê. Di daxuyaniyê de hat gotin, "Li pêş çavên tevahiya cîhanê, îro li Şirnex û Nisêbînê gefa komkujiyê li hezaran Kurdan tê xwarin. Wekî din, siyasetmedar û aktîvîstên Kurd bûne hedef, li Tirkiyeyê hemû rêyên meşandina siyasetê hhatine girtin. Li Tirkiyeyê atmosfera şer roj bi roj girantir dibe. Ev şer jî pêşî li xeteriyên nû û pêlên koçberiyê yên ber bi Ewropayê ve dike."

Ji Rêxistinbûna Awûstralyayiyên ji bo Kurdstaniyan Profesor John Tûlly, ji radyoya 3CR a li Melbûrne weşanê dike Lalîtha Chellîah, li ser navê Navenda Çanda Anatoliyê Bulent Bektaş û li ser navê Bloka Aştî û Demokrasiyê ya Melboûrneyê Tûran Ertekîn axivîn. Qisekeran polîtîkayên komkujiyê yên li Tirkiyeyê şermezar kirin û diyar kirin, hikûmeta AKP'ê li pêş çavên tevahiya cîhanê sûcekî mezin ê şer dike.

Di çalakiyê de dirûşmên "Terorîst Erdogan", "Terorîst Tirkiye", "Kujer Erdogan" û "Dest nede vîna min" hatin qîrîn.