Jan Egeland ku şêwirmendiyê ji Nûnerê Taybet ê Neteweyên Yekbûyî yê ji bo Sûriyeyê Staffan de Mîstûra re dike, piştî civîna Koma Destekê ji bo Sûriyeyê ya Navneteweyî ya li Ofîsa NY a Cenevreyê, daxuyanî da.

Egeland di beşeke axaftina xwe de bal kişand ser êrîşên dewleta Tirk ên ji bo dagirkirina Efrînê û diyar kir ku bûyerên diqewimin rê li ber tirs û fikaran vedikin.

Egeland da xuyakirin ku li gorî raporên gihîştine ber destê wan, êrîşên tên kirin xeteriyeke mezin e ji bo mirovên li herêmê dijîn û zextê li sivîlan dikin ku dev ji cih û warên xwe berdin û koçber bibin.

Egeland işaret bi zor û zehmetiyên gihandina alîkariya însanî ji bo sivîlên li herêmên şer ên Sûriyeyê û bang li hêzên navneteweyî kir ku sivîlan biparêzin.