Nûnerê DYA di Mafên Mirovan a NY de axivî, destnîşan kir ku divê Tirkiye bi esaswergirtina daraza serbixwe darbeyê ronî bike. Nûner got ku ji bo hewldana darbeya 15’ê Tîrmehê bê ronîkirin, pêwîstî bi darazek adil û referandûmekê heye.
Nûnerê DYA ku di 33. Rûniştinên Meha Îlonê ya Komîsertiya Bilind a Mafên Mirovan a NY de mafê axaftinê wergirt, anî ziman ku hewldana darbeya leşkerî ya 15’ê Tîrmehê divê bi darazên adil bê ronîkirin.
Nûner destnîşan kir ku ji bo ronîkirina vê darbeyê bi awayekî rast, pêwîstî bi darazek serbixwe heye û got; “Pêwîst e Tirkiye bi darazek adil û zelal vê pêvajoyê ronî bike. Em bang li Tirkiyeyê dikin ku darazek serbixwe esas werbigire.”
Nûnerê DYA, 265 kesên ku dema darbeyê jiyana xwe ji dest dan bi bîr xist, bi lêv kir ku ji bo ronîkirina van mirinan li Tirkiyeyê pêdivî bi referandûmek serbixwe heye. Nûner destnîşan kir ku divê bi referandûmekê ve rastî derkevin holê.
