Li Fransayê Partiya Sosyalîst (PS) ya desthilatdariyê darbeyek din jî xwar. Di hilbijartinên Senatoya ku sê salan carê nîvê wê tê nûkirin, partiyên rastgir piranî girtin dest û Eniya Neteweyî ya Rastgir (FN) yekem car senatorî qezenc kir.

Senatoya Fransayê ya 348 endamên wê hene, 179 endamên wê di encama hilbijartinê zelal bûn û Yekîtiya Tevgera Gel (UMP) û partiyên din yên rastgir jî di nav de bloka rastgirt bû yekem. Partiyên rastgirt bi giştî 192 kursî bi destxistin û di piraniya senatoya ku di 2011’an de winda kirin şûnde girtin.

Partiyên Çep 156 kursî paşde çûn. Herî dawî di 2011’an de li Senatoya Fransayê partiyên PS û yên çep bi giştî 177 kursî girtin û ji sal a1958’an heta wê demê cara yekem evqas piranî bi dest xist.

Eniya Çep (FN) ku polîtîkayên xwe yên dij biyaniyan û neteweperest tê zanîn ku di hilbijartinên duh de 2 kursî qezenc kir. FN cara yekem di Senatoyê de cih digire.

Senatorên ji bo Senatoyê tên hilbijartin ji aliyê meclîsên herêmî, meclîsên giştî yên navendî û endamên meclîsa şaredariyê ve bi du turan tên hilbijartin.