Di rûniştina doza Ozgur Gundemê de înan Kizilkaya û Kemal Sancili yên bi rengekî girtî tên darizandin, nehatin berdan. Kizilkaya got, "Rojnamevanî ne sûc e. Dixwazim hemû rojnamevanên girtî werin berdan.
4. Rûniştina doza Rojnameya Ozgur Gundemê ya Nivîskar Asli Erdogan, Zimanzan Necmiye Alpay, Ragip Zarakolû, Fîlîz Koçalî, Eren Keskîn, Zana Kaya, Înan Kizilkaya, Kemal Sancili û Bîlge Oykût tên darizandin, li 23. Dadgeha Cezayên Giran a Stenbolê hat pêk hat.
Midûrê Karên Nivîsan ê Rojnameya Ozgur Gundemê Înan Kizilkaya û Xwediyê îmtîyazê Kemal Sancili ku girtî tên darizandin li salonê amade bû. Eren Keskîn, Necmiye Alpay û Asli Erdogan jî li salonê amade bûn. Gelek heyetên biyanî doz şopandin. Heyetên ji Swêd, Îngîlîstan, Elmanya û Hollandayê doz şopandin.
Rûniştina dozê bi parastina Kemal Sancili dest pê kir. Sancili, di parastinê de diyar kir ku ew îmzeya xwe davêje binê hemû nûçeyên rojnameyê û xwest bê berdan. Înan Kizilkaya jî anî ziman ku ew rojnamevan ee û perwerdeya rojnamevaniyê girtiye. Kizilkaya, anî ziman ku ji bilî 3 Ç û 3 K tiştekî cuda hebe ew sucdariyê qebûl dike. Kizilkaya anî ziman ku rojnamevanî ne sûc e û got: "Ez di bin tecrîda giran de têm girtin. Min tenê karê rojnamevaniyê kiriye" û xwest hemû rojnamevanên girtî bên berdan.
Di rûniştinê îro de dîsa kes nehat berdan. Der barê Nivîskar Asli Erdogan û Necmiye Alpay de biryara qedexeya derketina derveyî welat hate rakirin.
Heyeta dadgehê rûniştina dozê taloqî 31'ê Cotmehê kir.
