Di rûniştina doza "KCK'ê" ya Aydinê de 8 kesên girtî hemû serbest hatin berdan.

Li bajaroka Ortaklar a Aydinê di mijdara sala 2011'an de operasyona bi navê "KCK'ê" pêk hatibû. Piştî operasyonê derbarê 20 kesan doz hatibû vekirin. Rûnşitina dozê ya jê 8 kes girtî li 8'emîn Dadgeha Cezayên Giran a Îzmîrê pêkhat. Di rûniştinê de kesên girtî tên darizandin, kesên din, parêzer, malbata û rêveberên BDP'ê tevlî rûniştinê bûn. Piştî tesbîta nasnameyan parastinan dest pê kir.

Dadgehê daxwaza parastina kurdî nirxand û anîna werger qebûl kir. Girtiyan bi riya werger parastin kir û îdia qebûl nekirin. Parêzeran jî îdîayên derbarê muwekîlên xwe de qebûl nekirin û daxwaza tahliyeya girtiyan kir.

Heyeta dadgehê ji dema girtinê ya kesên girtî li ber çavan girt û biryara serbest berdana Cengîz Îvdîl, Battal Battaloglu, Murat Selvî, Şerîfe Başkurt, Halîme Demîr, Mustafa Yalçin, Elvan Ozişik, Mustafa Ozyîgît da û rûniştin taloqî 17'ê îlonê kir.