Dewleta Tirk û DYA li Londrayê hate protestokirin

Li Londrayê Kurdan û parlamenteran tecrîda giran a li dijî Ocalan û biryara DYA’yê ya li dijî rêveberên PKK’ê bi çalakiyekê protesto kirin.

Li Îngîltereyê Meclîsa Gel a Kurd tecrîda giran a li ser Rêberê Gelê Kurd Abdullah Ocalan û biryara DYA’yê ya li dijî rêveberên PKK’ê bi çalakiyekê protesto kirin.

Piştî çalakiya duh a li pêşiya Parlamentoya Îskoçya îro jî li pêşiya Parlamentoya Îngîlteryê çalakî hate kirin û parlamenterên herêmê jî piştgirî dan çalakiyê.

PARLAMENTERAN JÎ PIŞTGIRÎ DAN ÇALAKIYÊ

Parlamenterê Partiya Karkeran Lloyd Moyle Rûssell, Parlamenterê Partiya Netewe ya Îskoçya Chîrs Wîllîamson, Parlamenterê Sînn Feîn Francîe Molloy, Lord Hîltoan, Rahîp Joe Ryan û bavê şehîda YPJ’ê Anna Campbell hunermend û siyasetmedar Dîrk Campbell jî beşdarî çalakiyê bûn. Beşdar axivîn û polîtîkayên îmha û tecrîdê yên Tirkiye û DYA’yê şermezar kirin.

Çalakî bi banga beşdarbûna çalakiya bê, bi dawî bû.