Lîstikvanê berê yê Amedsporê Denîz Nakî serdana gelê Wargeha Şehîd Rustem Cûdî (Mexmûr) kir. Denîz Nakî li sazî, dibistan û malên wargehê geriya. Gelê Mexmûrê eleqeyek mezin nîşanî Nakî da.

Lîstikvan Denîz Nakî serdana gelê Mexmûrê kir û bi xwendekarên Mexmûrê re civiya. Xwendekar û ciwanên wargehê bi coşeke mezin Nakî pêşwazî kirin.

Nakî di serdana wargehê de bi ciwanên wargehê re bi futbolê lîst. Gelê wargehê heya derengiya şevê temaşeyî lîstikê kir û piştre ciwanan bi Nakî re wêne kişand.