Hevserokê Giştî yê BDP’ê Selahattîn Demîrtaş dê îro li Palementoya Ewropayê (PE) tevlî rûniştina “Li Tirkiyeyê Pirsgirêka Kurd” bibe”

Tevî Demîrtaş, dê ji Koma ALDE Alexander Graf Lambsdorf,  ji Koma Keskan  Hevseroka Meclîsa Têkel ya Komîsyona Ewropa -Tirkiye Helene Flautre, ji Koma Sosyalîst-Demokrat  Richard Howitt  û ji Koma Çepgiran a Ewropayê Jürgen Klute dê tevlî rûniştina ku dê li PE’ya li bajarê Strasbourga Franseyê bê lidarxistin bibin..

Demîrtaşê ku dê piştî civînê, civîneke çapemeniyê li dar  bixe, dê bi Serokê Parlementoya EwropayÊ Martin Schulz û Berpirsê Berfirehkirina Komîsyona Ewropayê Stefan Fule re jî hevdîtin pêk bîne. Demîrtaş dê roja 7’ê sibatê biçe Parîsê û li wir tevlî Kongreya 36’emîn a Partiya Komunîst a Franseyê bibe.