Dayikên girtiyên bexwedêr li Esenyurtê di bin dorpêça polîsên Tirk de çalakiya xwe ya nobetê didomînin gotin, “Ên vê zilmê dikin dibêjin em misilman in; bila destpêkê bibin mirov. Wê heta kengê ziman, çad û baweriya mirovan înkar bikin?”
Dayikên berxwedêrên girtî ji bo piştgirî û xwedîderketina li zarokên xwe di roja 24’an de jî li Qada Esenyurtê ji bo çalakiya nobedê li hev civiyan.
Dayik, weke her carê li avahiya Partiya Demokratîk a Gelan (HDP) li hev civiyan û çûne qada Esenyurt çalakiya rûniştinm domandin.
Dayikan tevî dorpêça polîsên Tirk, çalakiya xwe ya rûniştinê pêk anî. Dayikan piştî çalakiyê daxuyanî da û bal kişand ser berxwedana zarokên xwe û diyar kirin ku rewşa berxwdêran di qonaxeke gelek krîtîk de ye û divê demildest tecrîd bê rakirin. Dayikan da zanîn ku heta tecrîd neyê rakirin wê çalakiya xwe bidomînin û xwedî li berxwedana zarokên xwe derkevin.
Piştî demekê dayikan çalakiya xwe qedandin û dîsa vegeriyan avahiya HDP'ê ya navçeyê.
