Endama Meclîsa Şaredariya Bajarê Mezin a Parîs û Hevkoordînatora Giştî ya Partiya Çep Danîelle Sîmoneet daxwaza kir ku bila ji aliyê Şaredariya Parîsê ve welatîbûna rûmetê bidin Leyla Guven a di greva birçîbûnê de ye.
Berdevka Partiya Netewî ya di bin sêwana Serî Netewîne Parîs (france Insoûmîes) a yek ji tevgerên çep ên herî girîng ên Fransayê ye û heman demê Hevkoordînatora Partiya Çep Danîelle Sîmonnet, di axaftina xwe ya li Şaredariya Parîsê kir de, rewşa Leyla Guven kir rojev.
Sîmonnet a ji bo beşdarî rûniştina doza ku wê Leyla Guven jê dihat darezandin bibûya çûbû Amedê, pêşniyar kir ku welatîbûna rûmetê bidin Guven.
Sîmonnet li ser hesabê xwe yê Twîtterê ev tişt got: “Li Tirkiyeyê nêzî 10 hezar girtiyên siyasî hene. Parlementera HDP’ê Leyla Guven ji meha Mijarê ve di greva birçîbûnê de ye. Daxwaza ji bajarê Parîsê dikim ku welatîbûyîna rûmetê bide Guven û bixe di bin parastina xwe de.”
En Turquie il y a plus de 10.000 prisonniers politiques. Leyla Güven, députée du HDP est en grève de la faim depuis novembre. Je demande que la Ville de Paris la prenne sous sa protection en la faisant citoyenne d’honneur. #PointPresse pic.twitter.com/kyYuu8M5OA
— Simonnet Danielle (@Simonnet2) January 31, 2019
Sîmonnet berî demekê çûbû serdana berxwedêrên greva birçîbûnê ya li Strasboûrgê ji bo şikandina tecrîda giran a li ser Ocalan lê dom dike.
