Federasyona Komeleyên Ciwanên Sosyalîst (SGDF), têkildarî hilbijartina ku wê 24’ê Hezîranê pêk were daxuyaniyek nivîskî da.

SDGF’ê bal kişand ku desthilatdariya Qesrê nikare welat bi rê ve bibie û got: “Desthilata Qesrê bi Rewşa Awarte û BHQ’ê de nikare welat bi rê ve bibe, dixwaze bi hilbijartina bi darê zorê xwe ji nava kirîza siyasî û aborî rizgar bike, dîktatoriya faşîst a Îslamî ya polîtîk bi nixûmîne û desthilata xwe ya ‘bê mohr’ meşrû bike.”

‘HDP Û DEMÎRTAŞ DIKARE DÎKTATORIYÊ RAWESTÎNE’

Di dewama peyama ciwanan de ev tişt hate gotin:

 “Ev dîktator pirsgirêka ciwanan çareser nake û ti fêdeyê nade ciwanan. Yên di vê projeyê de xwedî çareserî û têkoşînê ji bo vê dike bernameya HDP’ê û Demîrtaş e, wê ew bin. Em ji bo 24’ê Hezîranê li dorî HDP’ê û Demîrtaş bibin yek, ji bo serketinê têkoşîn bikin û pêvajoya hilbijartinê vegerînin berxwedanê amade ne. Ji bo li kolanan li gel hêza ciwanan bibin yek, destekê bidin HDP’ê û Demîrtaş, ji bo rawestandina dîktatoriyê banga têkoşînê dikin. Divê ciwan li gel vê bernameyê cih bigire û ji bo xurtkirin û bilindkirin vê berpirsyar tevger bike.”