Ciwanên Kurd ên li Ewropayê dijîn, di çarçoveya kampanya 'Azad bike' de, bi dirûşma 'Serok Apo azad bike, Kuridstanê azad bike û jiyanê azad bike' çalakî, civîn, konferans û xwepêşandanan lidar dixin.

Yek ji van jî duh li bajarê Solothûrn ê Swîsreyê hat lidarxistin. Çalakiya li vê derê bi deqeyeke rêzgirtinê ji bo bîranîna cangoriyên têkoşîna azadiyê dest pê kir. Ciwanan piştre bi rêya sînevîzyonê li nrixandinên Rêberê Gelê Kurd Abdullah Ocalan ên li ser ciwanan guhdarî kirin. Sînevîzyon bi qîrîna dirûşma 'Me bi ciwantî dest pê kir, em ê bi ciwantî bi ser bikevin' qediya.

Li dû nîşandana sînevîzyonê hunermend Rotînda, Çetîn Oraner, Azad Kardahan, Bêrîvan Arîn û Koma Dîlan a ji Zurîchê derketin ser dikê.

Ciwanên beşdarî çalakiyê bûn dan xuyakirin, ku ew ê bi paradîgmaya Ocalan, jiyana azad ava bikin.