Li paytexta Hollanda Amsterdamê, 7. Kongreya Meclîsa Civaka Azad pêk hat. Ji bo dîwana kongreyê Hevseroka Navenda Civaka Demokratîk a Hollandayê Aliye Varto, ji Komîsyona Çand û Perwerdeyê Ronî Anatoliya û rojnamevan Hasan Perî hatin hilbijartin.

Kongre bi beşdariya delegeyên ji Amsterdam West, Oost û Noord, Utrecht, Amersfoort, Lelystad, Almere, Hilversum, Alkmaar û Zaandamê pêk hat.

Kongre di şexsê Mehmet Tûnç de diyarî berxwedêrên li bajarên Bakurê Kurdistanê jiyana xwe ji dest dan hat kirin. Hevseroka KCD-E Dilşah Osman, Nûnerê PYD'ê Loûran Manjoû, Nûnerê Mîdîa Serdar Emîn, nûnerê Partiya Komunîst a Fîlîpînê û HTÎB axivîn. Nûnerên Heyva Sor ên li Hollandayê jî beşdarî kongreyê bûn.

'EM Ê JI BO AZADIYA OCALAN BIXEBITIN'

Nûnerê Partiya Komunîst a Fîlîpînê di axaftina xwe ya li vir de ragihand ku ew ê ji bo azadiya Rêberê Gelê Kurd Abdullah Ocalan bixebitin û berxwedêrên Bakur û Rojavayê Kurdistanê silav kir.

Ji bo Hevserokatiya Herêma Amsterdamê ya Meclîsa Civaka Demokratîk Humeyra Yildirim û Mûsa Başpinar hatin hilbijartin.