Alîkarê Serokê Giştî yê CHP'ê Bulent Tezcan, têkildarî referandûmê bi navê partiya xwe ji YSK'ê îtiraza referandûmê kir. Tezcan wiha got: "Hemû kes dizane ku yên ku ji referandûmê re gotin NA biserketine. Encama ku bi êrîş û zextan nehatî bidestxistin, YSK xistin dewreyê û xwestin encam bigrin. Ev hilbijatin meşrûtyeta wê nîne û hilbijartinek ya bêmohr bû."

Tezcan diyarkir ku denên kêm û zarfên bêmohr rastiyan derdixe holê û got: "Paket hatine dizîn, dengên ku ji derve hatine çêkirin, hatin bikaranîn. Dengên bêmohr hatin bikaranîn. Li rexmê van hemû tiştan jî encam bidest nexistin û YSK xistin dewreyê."