Cenazeyê gerîlayê HPG'ê Mehmet Cemal Demîr (Delîl Koçer) ê di êrîşa 14'ê Îlonê ya li hemberî Fermendariya Jendermeyan a Navçeya Amed Hezroyê jiyana xwe ji dest da, li navçeya Mersîn Tarsûsê hat veşartin.

Cenazeyê Demîr bi şev anîn mala malata Demîr a li Taxa Fahrettîn Paşa ya Tarsûsê û ji aliyê bi hezaran welatiyan ve hat pêşwazîkirin.

Li taxê danê sibehê dikan nehatin vekirin û girseya gel cenazeyê Demîr ji mala malbatê wergirt û anî ber Nûnertiya HDP'ê ya Taxê.

Piştî bi cih anîna wecîbeyên olî, girseyê darbest danî ser milan û bi meşekê bir Goristana Navçeyê.

Di meşê de dirûşmên "Şehîd Namirin" hatin qîrîn, wêneyên Rêberê Gelê Kurd Abdullah Ocalan, Demîr hatin hilgirtin û kevokên aştiyê hatin firandin.

Cenazeyê Demîr ê HPG'yî li ber qîrîna dirûşmeyan hat veşartin.

Bav Beşîr Demîr li vir axaftineke kurt kir û got, "Me kurê xwe fedaî aştî û azadiya gelê Kurdistanê kirin. Bila serê tevahiya gelê Kurdistanê û Birêz Abdullah Ocalan sax be."