Kurdên li navçeya Novoaleksandrovskî ya bajarê Stavrapol ê Federasyona Rûsyayê tevî dostên xwe salvegera 41'emîn a damezrandina PKK'ê pîroz kirin. Pîrozbahî li salona konserê ya Mala Gel a Novalaksandrovskî pêk hat û bi deqeyeke rêzgirtinê ji bo bîranîna cangoriyên têkoşîna azadiyê ya Kurdistanê dest pê kir.

Hevserokê Otonomiya Çanda Kurd a Novoaleksandrovskî Huseyîn Ahmedov piştre axivî û got, "PKK a ku fikrê azadiyê da Kurdên li çar parçeyên Kurdistanê û derveyî welat roj bi roj xurt dibe û nêzî azadiyê dibe. Ev tevgera ku bi pêşengiya Rêberê Gelê Kurd Ocalan ava bû wê azadiyê diyarî gelê Kurd bike."

Piştre Serokê Meclîsa Novoaleksandrovskî Lûdmîla Nîkolaevna û nûnerên saziyên ji neteweyên cuda li şahiyê axivîn û salvegera damezrandina PKK'ê pîroz kirin.

Di şahiyê de Hozan Comert, Yûnûs Agirî û hunermendên herêmî hunera xwe pêşkêş kirin.